ڕۆل و کاریگەرییا تورکیا د حەلکرنا هێزێن سوریا دیموکرات (هەسەدە)دا:
(هەسەدە) ئانکۆ هێزێن سوریا دیموکرات سالا 2015-ێ ژ دایک ببوو، ئەوژی ب پێشنیاز و پشتەڤانییا ئێکسەر ژ ویلایەتێن ئێکگرتییێن ئەمریکا و لسەر بنەتۆرا یەکینەیێن پاراستنا گەل( YPG).
بۆ بەرفرەهبوونا لقێن پاراستنا پێکهاتەیان ل سوریایێ ئەوا ژ دەستپێکا شۆڕەشا سوری وبەری هاریکارییێن ئەمریکی هەردەم کاردکر لسەر ئێکگرتنا هێزێن پاراستنا گەلێ کورد کو هەموو دەڤەر و گۆندێن سوریایێ گرتبوون وئیدارەیەکا زاتی ل باکوور و ڕۆژهەلاتێ سوریایێ ب سەرکردایەتییا مەزلۆم عەبدی بۆ خوە رگەهاندبوو.
هەردەم پارتییا یەکێتییا دیمۆکرات (PYD) ئەوا سالا 2003 ـ ێ، ژ دایک بوویی کو باسکەکێ وێ پشتی چەند سالان بۆ چەکداری، بەردەوام بوو د هاریکاریا (هەسەدە) دا، پشتی شکەستنا رژێما ئەسەد، سەرەڕای کو گەلەک هیڤی و ئاوات بۆ کوردان چێبوون د ئێکگرتنا هێزێن کوردی و راگەهاندنا دەولەتا سەربەخوەیا کوردی، لێ هەلویستێ ئەمریکی و ئیسرائیلی بەرامبەر هێزێن کوردی هاتە راگەهاندن و لێدانێن دووماهییێ یێن (تۆم باراک)ل دژی (هەسەدە) بوون و (هەسەدە) د پشتگیرییا ئیرانێ دا گۆنەهبارکر، واشنتۆن ئێدی نەما پالپشتێ سەرەکی یێ نیڤدەولەتی یێ بهێز بتایبەت کۆ هەڤپشکەکێ لەشکەری یێ سەرەکی بوو ل دژی (داعش)ێن تیرۆرست، لێ پا (هەسەدە) ب ڤەکرنا دەرگەهێن گرتیخانەیێن تیرورستێن (داعش) هاتە گۆنەهبارکرن ل هندەک دەڤەرێن کوردی.
پشتی بنیامین نەتەنیاهۆ، سەرۆکوەزیرێ ئیسرائیل، دگەل دۆنالد ترەمپ، سەرۆکێ ئەمریکا، نەگەهشتییە چ ئەنجامان و ترکیا واشنتۆن گۆنەهبارکری ب دانا چەکا بۆ (هەسەدە) لژێر سیوانا کو شەڕێ (داعش) دکەت، دەربارەی چارەنڤیسێ کوردان واشنتۆن قۆناغەکا نوو دیت د سەرەدەری کرنێ دا دگەل بادەکا سوریایێ دا بتایبەت ئەوا گرێدای د رووبڕووبوونا تیرۆرستێن (داعش) و بەرەڤ ئاراستەیێ حەلبوونا (هەسەدە) چوون ب تایبەت پشتی ل ئایارا 2025-ێ پارتییا کارکەرێن کوردستانێ، چەکێن خوە رادەستکرین و خوە ب دووماهیک هینای و ترکیا بۆ گەهشتن ب ئارمانجا خوە یا ژناڤبرن یان بێهێزکرنا (هەسەدە) چەندین رێکارێن جودا یێن سەربازی، دیپلۆماسی و ئابووری بکارهیناینە کو ئەم دشێین د چەند خالێن سەرەکی دا کورت بکەین:
1- دەستێوەردان و ئۆپەراسیۆنێن سەربازی یێن ڕاستەوخوە.
2- شەڕێ درۆنان و لێدان ل فەرماندەیان و نەهێلانا کاریگەرییا وان.
3- گڤاشتنێن دیپلۆماسی ل سەر واشنتۆن و هەڤپەیمانان.
4- دروستکرنا هێزەکا نەیار (لەشکەرێ نیشتمانی یێ سوری).
5- گڤاشتنێن ئابووری و تێکدانی ژێرخانێ.
6 – پشتەڤانیکرنا لەشکەرێ نیشتمانی یێ سورى.
ترکیا هێزێن ئۆپۆزیسیۆنا چەکدار یا سوریایێ لژێر ناڤێ “لەشکەرێ نیشتمانی” رێکخستن و مەشق پێکرن. ئەڤان هێزان د هەموو شەڕان دا وەک پیادە بەرامبەر (هەسەدە) کار کرکریە. ب ڤێ چەندێ، تررکیا شەڕی دکەتە شەڕەکێ ناڤخوەیی یێ سوری-سوری و تێچوونا مرۆڤی و لەشکەری یا لەشکەری خوە کێم دکەت، د هەمان دەم دا گڤاشتنەکا بەردەوام ل سەر بەرەیێن شەڕی یێن (هەسەدە) دروست دکەت.
ئەنقەرە حەلکرنا (هەسەدە) وەک پێنگاڤەکا گرنک دیت ئەوژی بۆ بهێزکرنا ئێکگرتنا دەولەتا سوریایێ کو گەلەک شرۆڤەکارێن ترک دبێژن:”ب داویکرنا هێزەکا کوردی یا چەکدار و ڕێکخستی لسەر سنوورێن ترکیا و باکوورێ سوریا، ئێک ژ دیارترین بنگەهێن ترسا ئەمنی لسەر ئەنقەرە نەهێلا و دێ هەولێن ئاشتییا ناڤخوەییا ترکیا تەمام دکەت کو دبینن ئێکگرتنا سوریایێ و رادەستکرنا چەکی ل باشوورێ رۆژهەلاتی ناهێنە جوداکرن ژ کار و زەحمەتا تررکیا بۆ ب داویکرنا چەرخەکێ ناکوکییان دگەل پارتییا کارکەرێن کوردستانێ د حەلکرنا هەردوو بادەکێن سوری و کوردی ل ترکیا کو دوو ئاراستەیێن مایتێکەربوون د دووبارەبوونا وێنەکێ دروستێ ئێمناهییێ بۆ دەڤەرێن ترکی.
سەرەڕای کو ئەنقەرە سۆز دایە ب هاریکارییا ئاڤەدانکرنا وەلاتێ سوریایێ و دوبارە هەیکەلییا دامودەزگەهێن سوریایێ وهێزێن لەشکەری و پالپشتییا سیاسی وئابووری دێ دەتە دیمەشقێ، لێ پا ئێکگرتنا دەڤەرێن باشوورێ ڕۆژهەلاتا سوریایێ د دامودەزگەهێن دەولەتێ دا ترسا جودابوونێ بۆ دیمەشقێ و ئەنقەرەیێ کێم دکەت، لێ سەرکەڤتنا ڤی ئاراستەیی شیانێن وێ چەندێنە کۆ دەولەتا سوریایێ مافێن سیاسی و یاسایی و دستووری بۆ گەلێ کورد ل سوریایێ دابین بکەت و گەر نەشێت ئەڤ ئاراستەیە دێ هەلوەشیت، بتایبەت کۆ تا نوکە کورد نەهاتینە دیتن وەک یاریکەرەکێ سەرەکی د دەستەواژەیێن سیاسی دا بەلکۆ هەردەم کارتێن فشارێنە و ژبۆ ئارمانجێن دەرەکی بڕیار لسەر هاتینە سەپاندن.