لدووڤ بڕیارا دادگەها فیدرالی یا ئیراقێ”پێدڤییە حکومەتا هەرێما کوردستانێ هەیڤانە نیڤەک ژ داهاتێ ناڤخوە رادەستی وەزارەتا دارایی یا ئیراقێ بکەت”.
داهاتێ ناڤخوە یێ هەرێما کوردستانێ چەندە؟
راپۆرتا دیوانا چاڤدێریێ یا هەرێما کوردستانێ؛ ئاشکەراکربوو کو داهاتێ هەرێما کوردستانێ بۆ سالا 2024، هەیڤانە 300 ملیار دینار بوون، واتە پێدڤیبوو هەرێما کوردستانێ هەیڤانە 150 ملیار دینار رادەستی وەزارەتا دارایی یا ئیراقێ کربان کو سالا 2024، دابنە تڕلیۆنەک و 800 ملیار دینار.
بزانن هەرێما کوردستانێ ژ تڕلیۆنەک و 800 ملیار دیناران ل سالا 2024 چەند رادەستی ئیراقێ کرینە:
| هەیڤ | داهات |
| هەیڤا ئێک | چنە |
| هەیڤا دوو | (85,199,634,000) 85 ملیار و 199ملیۆن و 634 هزار دینار |
| هەیڤا سێ | (70,131,250,000) …..70 ملیار و 131 ملیۆن و 250 هزار دینار |
| هەیڤا چوار | (74,844,532,000) …74 ملییار و 844 ملیۆن و 532 هزار دینار |
| هەیڤا پێنج | (91,151,784,500) 91 ملیار و 151 ملیۆن و 784 هزار دینار |
| هەیڤا شەش | (77,841,761,000) …..77 ملیار و 841 ملیۆن و 761 هزار دینار |
واتە ژ 12 هەیڤان هەرێما کودستانێ بتنێ پێنج هەیڤان پارێ داهاتێ ناڤخوە بۆ بەغدا هنارتبوو کو دبنە (399,168,964,500) 399 ملیار و 168ملیۆن و 964 هزار و 500 دینار، لێ پێدڤیبوو پارێ وان پێنج هەیڤان کو وەزارەتا دارایی بۆ بەغدا شاندبان 750 ملیار دینار بان.
بگشتی، ژ ترلیۆنەک و 800 ملیار دیناران کو پێدڤیبوو حکومەتا هەرێمێ 12 هەیڤێن 2024 بۆ بەغدا بهنێریت، بتنێ (399,168,964,500) 399 ملیار و 168 ملیۆن و 964 هزار و 500 دینار هنارتبوون.