له‌ز، دهۆك
ئێكه‌تى نيشتيمانى كوردستان، ده‌رباره‌ى مژارا خوه‌ڤه‌كێشان ژ حكومهتا ئيراقێ، پارتى ديموكراتى كوردستان ئاگه‌هداركرييه كو ئه‌و خوه ژ حكومهتا ئيراقێ ناڤه‌كێشيت و ئاماده‌نينه ڤێ قۆناغێ پشتا خوه بده‌ت به‌غدا.
سه‌ركرده‌كێ ئێكه‌تى بۆ له‌ز ميديا گۆت:”بافل تاله‌بانى زێده‌تر ژ جاره‌كێ سه‌ركرده‌يێن پارتى ئاگه‌هداركرييه كو مژارا خوه ڤه‌كێشان ژ حكومهتا سودانى دگه‌ل ئێكه‌تى گه‌نگه‌شه نه‌كه‌ن، چنكو ئێكه‌تى ئاماده‌نينه د ره‌وشا نوكه‌دا مه‌يدانا سياسى و حكومرانيا ئيراقێ چۆلكه‌ت”.
وى سه‌ركردێ ئێكه‌تى خوه‌ياكر:”پارتى دگه‌ل هيچ لايه‌نه‌كێ نه‌گه‌هشتييه رێككه‌ڤتنێ كو پشته‌ڤانييێ ل ڤه‌كێشانا پارتى ژ حكوتا ئيراقێ بكه‌ت، ئه‌گه‌ر پارتى بێ ئێكه‌تى خوه ژ حكومهتا ئيراقێ ڤه‌كێشيت وى ده‌مى هيچ كاريگه‌رييه‌ك نابيت، چنكو پێگه‌هێ كوردان بگشتى ل به‌غدا نه‌گه‌‌له‌كێ بهێزه، له‌وما ڤه‌كێشانا پارتى هيچ كاريگه‌رييه‌ك لسه‌ر مه‌يدانا سياسى و حكومرانييا ئيراقێ نابيت”.
هۆشيار زێبارى، سه‌ركرده‌يێ پارتى بۆ راگه‌هاندنێ ئاشكه‌را كرييىه كرييه:” ره‌نگه پشتى جه‌ژنێ خوه ژ حكومهتا ئيراقێ ڤه‌كێشيت”.
هه‌يڤا ده‌ربازبوويى و هه‌تا نوكه ناكوكييێن پارتى دگه‌ل حكومهتا ئيراقێ به‌ره‌ڤ زێده‌بوونێ نه ئه‌وژى ژبه‌ر بڕينا پشكا بوددجه‌يا هه‌رێما كوردستانێ ژلايێ به‌غدا، چنكو هه‌تا نوكه مووچه‌خۆرێن هه‌رێمێ مووچه‌يێن هه‌يڤا پێنج يا ئه‌ڤ ساله نه‌وه‌رگرتينه ل ده‌مه‌كى مووچه‌خۆرێن ئيراقێ ده‌ست ب وه‌رگرتنا مووچه‌يێ هه‌يڤا 6 كرييه.