لەز، دهۆک
وەزارەتا داراییا ئیراقێ رازیبوو مووچەیێن سێ دەستەیێن هەرێما کوردستانێ خەرج بکەت، لەز میدیا هەولدا ژ دکتۆر خەلیل غازی، ئەندامێ جڤاتا نوونەرێن ئیراقێ، بزانیت چارەنڤیسێ مووچەخۆرێن فەرمانبەرێن هەرێمێ دێ چ بیت؟ ناڤبووری گۆت:”ئەم چۆ نزانین”.
دەربارەی ڤێ مژارێ سۆران عومەر، ئەندامێ جڤاتا نوونەرێن ئیراقێ بۆ لەز میدیا گۆت:”لیستێن مووچەیێن ۲۸ وەزارەت و دەستە و سەرۆکایەتییان کێشەیێن جۆدا هەنە، لەوما وەزارەتا داراییا ئیراقێ بڕیار دایە؛ بتنی مووچەیێن دەستەیێن دەستپاکی و ژینگە و چاڤدێرییا دارایی خەرج بکەن”.
لدۆر ڤێ مژارێ دکتۆر خەلیل، ئەندامێ فراکسیۆنا پارتی دیمۆکراتی کوردستان ل جڤاتا نوونەرێن ئیراقێ بۆ لەز گۆت:”کەس زانیاریان دەربارەی مووچەیێن فەرمانبەرێن هەرێمێ نادەتەمە، لەوما ئەم چۆ نزانین”.
پتر ژ ٤٠ رۆژانە، مووچەخۆرێن هەرێما کوردستانێ مووچەیێ هەیڤا تەمۆزا ئەڤ سالە وەرنەگرتییە و وەزارەتا داراییا ئیراقێ ژی ژبەر شاشیێن د لیستێن مووچەخورێن هەرێمێ دا بڕیار نەدایە مووچەیان دابەش کەت.