لەز، دهۆک
سەرۆکا پشکا کاروبارێن گشتی ل کۆنسولخانا ئەمریکا ل هەولێر، راگەهاند: ویلایەتێن ئێکگرتیێن ئەمریکا ژ وان بنپێکرنێن ڤێ داوییێ یێن دژی راگەهاندنێ ل هەرێما کوردستانێ دلگرانە.
کۆنسولخانەیا ئەمریکا، ئەڤرۆ پێنجشەمبی ۲۹ـ ێ تەباخا ۲٠۲٤ ـ ێ، ناڤەرۆکا کۆمبوونەکا کیم سترۆلۆ، سەرۆکا پشکا کاروبارێن گشتی ل کۆنسولخانا گشتی یا ئەمریکا ل هەولێر دگەل گرۆپەکێ رۆژنامەڤانێن دەزگەهێن راگەهاندنا جیاواز بەلاڤکر.
دناڤەرۆکا نووچەیێ کۆنسولخانێ دا هاتییە:”کیم سترۆلۆ ئاشکەرا کرییە کو ویلایەتێن ئێکگرتیێن ئەمرکا هەموو لایەنان هانددەت کو رێزێ ل ئازادییا راگەهاندنی بگرن”.
سترۆلۆ خوەیاکرییە:”ئەمریکا پشتەڤانیێ ل ژینگەهەکێ دکەت کو هەموو رۆژنامەڤان بشێن ب ئازادانە کاربکەن کو ترس و هەڕەشە و جیاکاری و بێزارکرن تێدا نەبن و یاسایا رۆژنامەڤانی و یاسایا بدەستڤەهینانا مافێ زانیاریان ب تەمامی بهێنە جێبەجێکرن.
