سەرکردەیێن ئێکەتی بڕیار دایە بۆ دانوستاندنێن پێکهینانا کابینەیا نوو یا حکومەتا هەرێما کوردستانێ، یان هەر رێککەڤتنەکێ، مەرجەکێ نوو دانیتە بەر سینگێ پارتی.
ژێدەرەکێ دناڤ ئێکەتی دا بۆ لەز میدیا گۆت:”مەرجێ نوو یێ ئێکەتی ئەوە کو کەیسێن وەهاب هەلبجەیی، فەرماندەیێ دژە تیرۆر ل سلێمانییێ و ئەژین ئەمین، ئەندامێ بەرێ یێ دەزگەهێ زانیاری کو نوکە ل هەولێرە بهێنە ئێکلاکرن، و پارتی ئەڤان دوو کەیسان وەک کارتێن گڤاشتنێ ل دژی ئێکەتی بکار نەهینیت”.
ژێدەرێ لەز خوەیاکر:”بێی ئێکلاکرنا ئەڤی مەرجێ ئێکەتی، تیمێ ئێکەتی ناچیتە هیچ دانوستاندنەکا دگەل پارتی”.
ئەڤی ژێدەری گۆتژی:”بۆ پێکهینانا کابینەیا نوو یا حکومەتا هەرێمێ ئێکەتی گەلەک یا جددیە، لێ ئەگەر پارتی ب مەرجێن ئێکەتی رازی نەبیت، وی دەمی بۆ ئێکەتی ئاساییە چ چێبیت بلا چێبیت”.
دەربارەی گەڕەکا نوو یا دانوستاندنان دگەل پارتی، ژێدەرێ لەز گۆت:”رەنگە داوییا ئەڤێ هەیڤێ شاندەکێ ئكەتی و پارتی دەست ب ئامادەکارییێن کۆمبوونا لۆتکە یا دناڤبەرا هەر دوو لایەنان دا بکەن، لێ هەتا نوکە هیچ رۆژەک نەهاتییە دیارکرن.