پێنج سالن شەڕێ هەری گرانێ دناڤبەرا گەریلایێن پەكەكێ و لەشکەرێ تركیا كەتییە سنوورێ هەر ئێك ژ گوندێن سگێرێ و سەرگەلێ و بەرچی و بەلاڤە و گۆهەرزێ كو د كەڤنە بنارا چیایێ مەتینا ل دەڤەرا نهێلێ، ب درێژییا بتنێ پێنج بۆ دەهـ کیلۆمەتران نێزیكی سەنتەرێ قەزا ئامێدییێ.
10 خالێن لەشکەری
ترکیا دچوارچووڤێ ئۆپەراسیۆنا (چنگ قفل)دا، 10 خالێن لەشکەری داناینە ئەڤان گوندان و چاڤدێرییا هەموو لڤین و هاتنوچوونێن گوندییان دکەن و چەند جاران ئەڤ گوندە ب مەبەست تۆپبارانکرینە
ژمارا خێزانان
د ڤان گوندان دا، نێزیکی 400 خێزان هەنە، بگشتی 1600 کەس ژ خەلکێ ڤان گوندان درەوشەکا گەلەک خراب و مەترسیداردا دژین
بەهانەیێن ترکیا
هەرچەند پەکەکە ل رۆژێن 5 و 7 ـ ێ ئایارا 2025، کۆنگرەیی خوە یێ 12 ئەنجامدا و دەست ژ خەباتا چەکداری بەردا و خوە هەلوەشان، لێ هێرش و دوورپێچێن ترکیا لسەر گوندێن دەڤەرا نهێلێ بەردەوامن