لەز، حەسەکە
ژمارەکا دەزگەهێن راگەهاندنێ نووچەیەک بەلاڤکرییە کو ویلایەتێن ئێکگرتییێن ئەمریکا دێ کۆسولخانا خوە ل باژارێ قامیشلۆ ڤەکەن، بەرپرسەکێ رێڤەبەرییا خوەسەر ژی دەربارەی ڤێ مژارێ زانیاری دانە لەز میدیا.
دکتۆر عەبدولکەریم عومەر، هەڤسەرۆکێ دەستەیا پەیوەندییێن دەرڤە یێن رێڤەبەرییا خوەسەر بۆ لەز گۆت:”هیچ راستییە بۆ وان نووچەیان نینە یێن دبێژن ئەمریکا دێ کۆنسولخانا خوە ل قامیشلۆ ڤەکەت”.
عومەر خوەیاکر:”پەیوەندییێن رێڤەبەرییا خوەسەر دگەل ئەمریکا باشن، لێ ئەمریکا چۆ جاران بەحسێ ڤەکرنا کۆنسولخانا خوە ل قامیشلۆ نەکرییە”.
سێ پارێزگەهێن سوریا حەسەکە، رەققە، بەشەکێ دێرەزۆر لژێر کۆنترۆلا رێڤەبەرییا خوەسەر دانە، لێ هەتا نوکە هیچ وەلاتەکی نوونەراتییا خوە ل رێڤەبەرییا خوەسەر نەڤەکرییە.