له‌ز، دهۆك
سوبه سێشه‌مبى 10-ێ حۆزه‌يرانا 2025، ل هه‌موو سايلۆيێن دهۆك دێ ده‌ست ب وه‌رگرتنا گه‌نمێ ئه‌ڤ ساله يێن جۆتيارێن دهۆك هێته كرن.
نازم محه‌مه‌د عه‌لى، رێڤه‌به‌رێ گشتى يێ كۆمپانييا بازرگانييا دانه‌وێله‌ى ل دهۆك بۆ له‌ز ميديا راگه‌هاند:”ئه‌ڤ ساله، حكومه‌تا ئيراقێ بتنێ 400 هزار ته‌نێن گه‌نمى دێ ژ هه‌رێمێ وه‌رگريت كو 117 هزار و 910 ته‌نێن گه‌نمى دێ دێ ل سايلۆيێن فه‌ييديه، زاخۆ، شێخان ژ جۆتيارێن دهۆك هێنه وه‌رگرتن”.
ناڤبوورى خوه‌ياكر:”هه‌ر ته‌نه‌كێ گه‌نمى دێ ب 800 هزار دينارا هێته وه‌رگرتن”.
نازم گۆتژى:”به‌رهه‌مێ گه‌نمى ئه‌ڤ ساله ژبه‌ر هشكه‌سالييێ گه‌له‌ك يێ كێمه، له‌وما دێ هه‌موو به‌رهه‌مێ گه‌نمى ل دهۆك هێته وه‌رگرتن”.
