لەز، هەولێر
دکتۆرە سارا موحسین، ئەنداما پەرلەمانێ کوردستانێ، د چوارچووڤێ گەشتەکا دیپلۆماسی دا بۆ واشنتۆن، چەند مژارێن گرنگ یێن کوردان و کوردستانێ گەهاندنە چەند بەرپرسێن وەزارەتا دەرڤە یا ئەمریکا.
د ئەڤێ سەرەدانێ دا سارا موحسین، دگەل بەرپرسێن بلند یێن بادەکا ئیراقێ و ئیرانێ و چەند ناڤەندێن گرنگ یێن پەیوەندیدار ب ئیراق و رۆژهەلاتا ناڤین ڤە کۆمبوو.
د ئەڤێ گەشتێ دا پەرلەمانتارا کورد دگەل (دانیێل ئارۆن) جێگرێ رێڤەبەرێ سیاسی بۆ کاروبارێن ئیراقێ و (مات فێرەنس) رێڤەبەرێ وەکالەتێ ل ئۆفیسا کاروبارێن ئیران و ئیراق، چەندین پرسێن گرنگ یێن گرێدایی پاشەڕۆژا سیاسی ل هەرێما کوردستانێ و ژیانا وەلاتییان بەحس کرن.
سارا موحسین بۆ لەز میدیا خوەیاکر:”بەرپرسێن ئەمریکی د هەموو کۆمبوونان دا پێشوازییەکا گەلەک گەرم ل ئەوێ کر و گەلەک حەزدکرن کو رەوشا هەرێما کوردستانێ ژ ئەوێ بزانن، لەوما دەربارەی ئەڤان تەوەران ئەم کۆمبووین”:
🔻رەوشا سیاسی، بەحسکرنا راگرتنا پەرلەمانێ کوردستانێ و ئاسێبوونا سیاسەتێ ل هەرێما کوردستانێ و گرنگییا ڤەگەریانا سەقامگیرییا یاسایی بۆ دەزگەهێن شەرعی یێن هەرێمێ.
🔻کێشەیا خزمەتگۆزارییا و کێشەیێن بەردەوام یێن مووچەخورێن فەرمانبەرێن هەرێما کوردستانێ.
🔻ئاسایشا هەرێمێ، ئیک ژ مژارێن گرنگ بوو کو دەستوەردانێن دەرەکی دبنە ئەگەرێ سەرەکی یێ تێکدانا ئارامی و دروستکرنا ئالۆزییان.
ناڤبوورییێ خوەیاکر:”بگشتی من چندین پرسێن گرنگ یێن وەلاتییێن هەرێمێ گەهاندنە بەرپرسێن ئەمریکی و ئەو بەرپرسە گەلەک خوەشحال بوون کو رۆژەڤا هەرێمێ ژ زاردەڤێ پەرلەمانتارەکا کورد بزانن”.