له‌ز، تایبه‌ت
ژێده‌ره‌كێ نزیك ژ كه‌یسا سكالایا دژی درێژكرنا ده‌مێ په‌رله‌مانێ كوردستانێ ل دادگه‌ها بلند یا فیدرالی یا ئیراقێ، بۆ له‌ز میدیا راگه‌هاند: دادگه‌هێ هه‌موو دادبینی ب دووماهیك ئیناینه و زانیاریێن هوور لبه‌ر ده‌ستێ وینه كو دادگه‌هـ دێ دژی درێژكرنا ده‌مێ په‌رله‌مانێ كوردستانێ بڕیارێ ده‌ت.
وی ژێده‌ری تایبه‌ت بۆ له‌ز دازانین:”چۆ هووربینی و خالێن قانوونی نه‌ماینه كو دادگه‌هـ بڕیارا خوه یا دووماهیێ ل رۆژا 3-ێ ئایارا بهێت پاش بێخیت، یان شه‌رعیه‌تێ بده‌ته ده‌مدرێژكرنا په‌رله‌مانێ كوردستانێ”.
رۆژا 7-ێ چڕیا دووێ 2022-ێ، ده‌مێ قانوونی یێ په‌رله‌مانێ كوردستانێ ب دووماهیك هات، لێ ئه‌ندامێن په‌رله‌مانی بۆ ده‌مێ ساله‌كێ ژیێ خوه ئانكو خۆلا پێنجێ درێژكر.
لدۆر وێ بڕیارا په‌رله‌مانێ كوردستانێ نه‌وه‌ی نووێ و دكتۆر یوسف محه‌مه‌د، سه‌رۆكێ به‌رێ یێ په‌رله‌مانێ كوردستانێ، ل دادگه‌ها بلند یا فیدرالی یا ئیراقێ سكالا دژی ده‌مدرێژكرنا په‌رله‌مانێ كوردستانێ تۆماكرن، هه‌تا نووكه شه‌ش جاران داگه‌هـ لدۆر ڤێ كه‌یسێ كۆمبوویه و بڕیاردایه رۆژا 3-ێ ئایارا بهێت بڕیارا دووماهیێ بده‌ت.